யாழ். மறைக்கல்வி நிலையத்தின் ஏற்பாட்டில் 2024ஆம் ஆண்டு உயர்தரப் பரீட்சையில் கிறிஸ்தவ நாகரிக பாடத்திற்கு தோற்றவுள்ள மாணவர்களுக்காக முன்னெடுக்கப்பட்ட செயலமர்வு 02ஆம் திகதி சனிக்கிழமை  யாழ்ப்பாணம், பருத்தித்துறை, இளவாலை, கிளிநொச்சி ஆகிய இடங்களில் நடைபெற்றன.
நிலைய இயக்குநர் அருட்தந்தை ஜேம்ஸ் அவர்களின் ஒழுந்குபடுத்தலில் யாழ். மறைமாவட்ட கத்தோலிக்க ஆசிரியர் சங்கத்தின் உதவியுடன் இச்செயலமர்வுகள் இடம்பெற்றன.
இளவாலை மறைக்கோட்ட மாணவர்களுக்காக இளவாலை புனித ஹென்றியசர் கல்லூரியிலும் பருத்தித்துறை மறைக்கோட்ட மாணவர்களுக்காக பருத்தித்துறை புனித தோமையார் ஆலயத்திலும் யாழ். மறைக்கோட்ட மாணவர்களுக்காக யாழ். மறைக்கல்வி நடுநிலையத்திலும் கிளிநொச்சி மறைக்கோட்ட தெற்கு வலய மாணவர்களுக்காக முழங்காவில் அன்பகம் சிறுவர் இல்லத்திலும் நடைபெற்றன.
இச்செயலமர்வில் 135வரையான மாணவர்கள் கலந்து பயனடைந்தனர்.
அத்துடன் முல்லைத்தீவு மறைக்கோட்ட மாணவர்களுக்கான செயலமர்வு புதுக்குடியிருப்பு றோ.க. வித்தியாலயத்திலும் கிளிநொச்சி மறைக்கோட்ட மாணவர்களுக்கான செயலமர்வு கிளிநொச்சி மேய்ப்புப்பணி நிலையத்திலும் 9ஆம் திகதி வருகின்ற சனிக்கிழமை நடைபெற ஏற்பாடுகள் முன்னெடுக்கப்பட்டுள்ளதாக மறைக்கல்வி நிலைய இயக்குனர் அருட்தந்தை ஜேம்ஸ் அவர்கள் தெரிவித்துள்ளார்.

By admin

You missed

யாழ். மறைமாவட்ட மறைநதி கத்தோலிக்க ஊடக மையத்தில் வளவாளராக பணியாற்றும் ஈழத்து இயக்குனர் திரு. மதிசுதா அவர்களின் சகோதரன் திரு. சுரேந்திரராஜா சாந்தன் அவர்கள் இந்திய பிரதமர் ராஜீவ் காந்தி கொலை வழக்கில் சந்தேகத்தின்பேரில் கைதுசெய்யப்பட்டு 33 வருடங்கள் சிறைததண்டனை அனுபவித்து தொடர்ந்து அங்கிருந்து விடுவிக்கப்பட்டு சிறப்பு முகாமில் அடைக்கப்பட்டிருந்த நிலையில் அங்கு நோயுற்று 28ஆம் திகதி புதன்கிழமை இறைவனடி சேர்ந்துள்ளார். இவரது குடும்பத்தினரின் முயற்சியால் இவர் இந்தியாவிலிருந்து 28ஆம் திகதி மாலை நாடு திரும்ப இருந்த நிலையில் அன்றைய தினம் அதிகாலை மாரடைப்பால் மரணத்தை தழுவிக்கொண்டார். இவரின் குடும்பத்தினருக்கு ஆழ்ந்த அனுதாபங்களை தெரிவிப்பதுடன் இவரின் ஆன்மா இறைவனில் அமைதிபெற மன்றாடுவோம்.