யாழ். மரியன்னை பேராலயத்தில் உலக ஆயர்கள் மாமன்ற அங்குரார்ப்பணம்
கடந்த ஒக்டோபர் மாதம் 10ம் திகதி ஞாயிறன்று திருத்தந்தை பிரான்சிஸ் அவர்களால் வத்திக்கானிலுள்ள புனித பேதுரு பேராலயத்தில் அங்குரார்ப்பணம் செய்யப்பட்ட 2023ம் ஆண்டு நிறைவுபெறவுள்ள உலக ஆயர்கள் மாமன்றத்திற்கான தலத் திரு அவைகளின் தயாரிப்புச் செயற்பாடுகள் 17ம் திகதி ஞாயிறன்று யாழ். மரியன்னை பேராலயத்தில் ஆயர் பேரருட்திரு. ஜஸ்ரின் ஞானப்பிரகாசம் ஆண்டகை அவர்களால் திருப்பலி ஒப்புக்கொடுத்து ஆரம்பித்து வைக்கப்பட்டன. “கூட்டொருங்கியக்கத் திரு அவையாகப் பயணிப்போம்” என்ற கருப்பொருளில் நடைபெறவுள்ள இந்த ஆயர்கள் மாமன்றத்தின் ஆரம்ப நிகழ்வில் யாழ். மறைமாவட்டக் குருமுதல்வரோடு, ஆறு மறைக்கோட்டங்களின் குருமுதல்வர்களும், குருக்களின் பிரதிநிதிகளும், இருபால் துறவற சபைகளின் பிரதிநிதிகளும், பொதுநிலையினரின் பிரதிநிதிகளும் பங்குபற்றினார்கள்.
Continue reading யாழ். மரியன்னை பேராலயத்தில் உலக ஆயர்கள் மாமன்ற அங்குரார்ப்பணம்சர்வதேச உணவு தினம்
சர்வதேச உணவு தினம் 16ஆம் திகதி சனிக்கிழமை நேற்றைய தினம் அனுசரிக்கப்பட்டது. இத்தினத்தை முன்னிட்டு கரித்தாஸ் வன்னி கியூடெக் நிறுவனத்தின் உணவு பாதுகாப்பு செயற்திட்ட ஒருங்கிணைப்பில்; இயக்குனர் அருட்திரு செபஜீவன் அவர்களின் தலைமையில் இத்தினத்திற்கான விசேட நிகழ்வு நேற்றைய தினம் அங்கு நடைபெற்றது.
Continue reading சர்வதேச உணவு தினம்பண்டத்தரிப்பு புனித பற்றிமா அன்னை ஆலய திருவிழா
போர்த்துக்கல் நாட்டின் பற்றிமா பதியில் அன்னை கொடுத்த காட்சிகளில் இறுதிகாட்சி இடம்பெற்ற தின திருவிழா கடந்த 03ஆம் திகதி ஞாயிற்றுக்கிழமை காலை பண்டத்தரிப்பு புனித பற்றிமா அன்னை ஆலயத்தில் நடைபெற்றது. யாழ். மறைமாவட்ட ஆயர் பேரருட்திரு யஸ்ரின் பேணாட் ஞானப்பிரகாசம் அவர்கள் தலைமை தாங்கி திருநாள் திருப்பலியை ஒப்புக்கொடுத்தார்.ஆயர் தனது மறையுரையில் இறைவனின் திட்டத்திற்கு தன்னை முழுவதுமாய்க் கையளித்த அன்னை மரியா, தான் கொடுத்த வாக்குறுதிக்கு இறுதிவரை பிரமாணிக்கமாய் இருந்தார் என்பதனை சுட்டிக்காட்டி அன்னையின் பிள்ளைகளாக இருக்கின்ற நாங்களும் எமது வாழ்வியலின் ஒவ்வொரு நிலையிலும் எமது கடமைகள் பொறுப்புக்களில் பிரமாணிக்கமுள்ளவர்களாக இருக்க வேண்டுமென்று அழைப்பு விடுத்தார்.
Continue reading பண்டத்தரிப்பு புனித பற்றிமா அன்னை ஆலய திருவிழாபொதுநிலையினர் பணி கத்தோலிக்கத் திரு அவைக்கு முதன்மையானது
தேசிய பொதுநிலையினர் தினம் கடந்த 10ம் திகதி ஞாயிற்றுக்கிழமை கடைப்பிடிக்கப்பட்டது. அன்றை தினம் பொதுநிலையினர் தின சிறப்புத்திருப்பலி யாழ்ப்பாணம் புனித மரியன்னை பேராலயத்தில் யாழ். மறைமாவட்ட குருமுதல்வர் அருட்திரு ஜெபரட்ணம் அவர்கள் தலைமையில் நடைபெற்றது. குருமுதல்வர் அவர்கள் தனது மறையுரையில் திருமுழுக்கின் ஊடாக பொதுநிலையினர் பெற்றுக் கொண்ட திருத்தூதுப் பணி கத்தோலிக்கத் திரு அவைக்கு முதன்மையானது என்பதனை சுட்டிக்காட்டி பல சவால்களையும் தடைகளையும் தாண்டி யாழ். மறைமாவட்டத்தில் பொது நிலையினர் சிறப்பாக பணியாற்றிவருகின்றனர் என்று தெரிவித்தார்.
Continue reading பொதுநிலையினர் பணி கத்தோலிக்கத் திரு அவைக்கு முதன்மையானதுபொலிஸ்மா அதிபர் யாழ் ஆயரை சந்தித்தார்
வடமாகாணத்திற்கு விஜயம் மோற்கொண்ட இலங்கை பொலிஸ்மா அதிபர் விக்ரமரத்னா அவர்கள் யாழ். மறைமாவட்ட ஆயர் பேரருட்திரு யஸ்ரின் பேணாட் ஞானப்பிரகாசம் அவர்களை கடந்த 13ஆம் திகதி புதன்கிழமை மாலை யாழ். மறைமாவட்ட ஆயரில்லத்தில் சந்தித்து கலந்துரையாடினார். யாழ்மாவட்டத்தின் தற்போதைய நிலைமை, பொலிசாருக்கும் பொதுமக்களுக்கும் இடையே காணப்படும் உறவுநிலை, வீதிப்போக்குவரத்து தொடர்பாக மாணவர்கள் மத்தியில் விழிப்புணர்வு ஏற்படுத்த வேண்டியதன் அவசியம் போன்ற விடயங்கள் இக்கலந்துலையாடலில் இடம்பெற்றிருந்தன.
Continue reading பொலிஸ்மா அதிபர் யாழ் ஆயரை சந்தித்தார்மரக்கன்றுகள் நாட்டும் நிகழ்வு
இந்துமத சகோதரர்களின் விஜய தசமி தினத்தை முன்னிட்டும், பருவ மழை காலத்தினையையும் கருத்தில் கொண்டு, வேலனை பிரதேச செயலகத்தால் பொது இடங்களில் மரக்கன்றுகள் நாட்டும் நிகழ்வு முன்னெடுக்கப்பட்டு வருகின்றது. இச்செயற்பாட்டின் ஒரு அங்கமாக கடந்த 15ஆம் திகதி வெள்ளிக்கிழமை வேலனை பிரதேசத்தில் அமைந்துள்ள யாழ் திருஅவைக்கு சொந்தமான மாதா காணியில் வேலனை பிரதேச செயலரின் உதவியுடன் ஒருதொகுதி பனங்கன்றுகள் நாட்டிவைக்கப்பட்டன.
Continue reading மரக்கன்றுகள் நாட்டும் நிகழ்வுமுல்லைத் தளிர் என்ற காலாண்டு சஞ்சிகை வெளியீடு
முல்லைத் தளிர் என்ற காலாண்டு சஞ்சிகையின் முதலாவது இதழ் வெளியீட்டு நிகழ்வு கடந்த 10 ஆம் திகதி ஞாயிற்றுக்கிழமை காலை முல்லைத்தீவு புனித இராயப்பர் ஆலய பங்குப் பணிமனையில் பங்குத்தந்தை அருட்திரு அகஸ்ரின் தலைமையில் நடைபெற்றது. நம்பிக்கையூட்டும் மறைக்கல்வி என்ற தலைப்பில் ஆடி – புரட்டாதி மாத காலாண்டு இதழாக அமைந்த இச்சஞ்சிகை வெளியீட்டு நிகழ்வில் பிரதம விருந்தினராக முல்லைத்தீவு மறைக்கோட்ட முதல்வர் அருட்திரு அன்ரனிப்பிள்ளை அவர்கள் கலந்து சிறப்பித்து சஞ்சிகையை வெளியிட்டுவைத்தார்.
Continue reading முல்லைத் தளிர் என்ற காலாண்டு சஞ்சிகை வெளியீடுகுருக்கள், துறவியர், பொதுநிலையினருக்கான கலந்துலையாடல்
2023 ஆம் ஆண்டு வத்திக்கானில் நடைபெறவுள்ள உலக ஆயர்கள் மாமன்றத்திற்கான ஆயத்தப் பணிகளை யாழ். மறைமாவட்டத்தில் மேற்கொளவதற்கு உதவியாக குருக்கள், துறவியர், பொதுநிலையினருக்கான கலந்துலையாடல் நிகழ்வு கடந்த 14ஆம் திகதி வியாழக்கிழமை குருமுதல்வர் தலைமையில் சூம் செயலி ஊடாக மெயநிகர் நிலையில் நடைபெற்றது. இக்கலந்துரையாடலில் ஒன்றிப்பு, பங்கோற்பு, செயற்பாடு ஆகிய தலைப்புக்களில் உரைகள் ஆற்றப்பட்டதுடன் யாழ் மறைமாவட்டத்தில் நடைபெறவுள்ள அங்குரார்ப்பண நிகழ்வு தொடர்பாகவும் விளக்கமளிக்கப்பட்டது. மெய்நிகர் வழியில் நடைபெற்ற இந்நிகழ்வில் யாழ் மறைமாவட்டதின் பல இடங்களிலிருந்தும் 200ற்கும் அதிகமானவர்கள் இணைந்திருந்தார்கள்.
ஊர்காவற்துறைப் பங்கில் புனித வின்சென் டி போல் சபை
ஊர்காவற்துறைப் பங்கில் புனித வின்சென் டி போல் சபை அங்குரார்ப்பண நிகழ்வு அண்மையில் பங்குத்தந்தை அருட்பணி ஜெயரஞ்சன் அடிகள் தலைமையில் நடைபெற்றது. புதிதாக உருவாக்கப்பட்ட இச்சபைக்கு புனித அன்னை தெரேசா பந்தி என பெயர் சூட்டப்பட்டுள்ளது. இந்நிகழ்வில் யாழ் மறைமாவட்ட புனித வின்சன் டி போல் சபையின் ஆன்ம ஆலோசகர் அருட்திரு நேசநாயகம் அவர்கள் சிறப்பு விருந்தினராக கலந்து கருத்துரை வழங்கியிருந்தார்.