இலங்கை கல்வித்துறை உயர் நிலையான, கல்வி நிர்வாக சேவையின் 2023ஆண்டு போட்டிப் பரீட்சையிலும் நேர்முக தேர்விலும் வெற்றிபெற்று கல்வி நிர்வாக சேவைக்குள் உள்ளவாங்கப்பட்ட அமலமரித்தியாகிகள் சபை அருட்தந்தை லெபோன் சுதன் அவர்கள் வட மாகாண கல்வித்திணைக்கள கிறிஸ்தவ பாட உதவிக்கல்வி பணிப்பாளராக நியமனம்பெற்று பொறுப்பேற்றுள்ளார்.
இவர் தனது பணிப்பொறுப்பை ஏற்றுக்கொள்ளும் நிகழ்வு மார்கழி மாதம் 08ஆம் திகதி திகதி திங்கட்கிழமை வட மாகாண கல்வித்திணைக்களத்தில் நடைபெற்றது.
அருட்தந்தை லெபோன் சுதன் அவர்கள் கடந்த காலங்களில் புனித பத்திரிசியார் கல்லூரியில் கனிஸ்ட இடைநிலை பிரிவு தலைவராகவும் முல்லைத்தீவு மாங்குளம் மகாவித்தியாலயம், மன்னார் தேவன்பிட்டி மகாவித்தியாலயம், மட்டக்களப்பு புனித மிக்கேல் தேசிய கல்லூரி, பெரிய பண்டிவிரிச்சான் மகாவித்தியாலயம் ஆகியவற்றில் பிரதி அதிபராகவும் பணியாற்றியுள்ளதுடன் கல்வி நிர்வாக சேவைக்குள் உள்ளவாங்கப்பட்ட நியமனத்தை கடந்த புரட்டாதி மாதம் 01ஆம் திகதி பெற்றுக்கொண்டமையும் இங்கு குறிப்பிடத்தக்கது.