யாழ். மாவட்ட சர்வமத பேரவையின் வருடாந்த பொதுக்கூட்டமும் புதிய நிர்வாகத்தெரிவும் 04ஆம் திகதி சனிக்கிழமை யாழ். டேவிட் வீதியில் அமைந்துள்ள கலைத்தூது அழகியல் கல்லூரியில் நடைபெற்றது.
பேரவையின் புதிய தலைவராக வணக்கத்துக்குரிய கிருபானந்த குருக்களும் இணைத்தலைவர்களாக யாழ். மறைமாவட்ட குருமுதல்வர் அருட்தந்தை ஜெபரட்ணம், நாகவிகாரை விகாராதிபதி ஸ்ரீ விமலதேரர், மௌலவி ஏ. எம். றழீம் ஆகியோரும் செயலாளராக அருட்பணி இந்திரதாஸ் ராஜகுமாரும் உப செயலாளராக வணக்கத்துக்குரிய கனகலிங்கம் ராஜாவும் பொருளாளராக கோப்பாய் கல்வியற் கல்லூரியின் விரிவுரையாளர் திருமதி ஜானகி தர்மஜீலனும் நிர்வாக சபை உறுப்பினர்களாக மௌலவி சுப்யான், திரு. லயன் ரஞ்சன், அருட்பணி செல்வன், திருமதி. சிரோமி ஆகியோரும் ஏகமனதாக தெரிவுசெய்யப்பட்டனர். தொடர்ந்து கலந்துரையாடல் நடைபெற்றது.
இக்கலந்துரையாடலில் சிறுவர் பாலியல் துஸ்பிரயோகம், இளையோர் போதைவஸ்து பாவனை, அதிகரித்துவரும் தற்கொலைகள் போன்றவற்றை கட்டுப்படுத்துதல், வெள்ளி மற்றும் ஞாயிற்றுக்கிழமைகளில் நடைமுறையில் இருக்கும் தனியார் கல்வி நிலைய வகுப்புகளுக்கான தடையினை 100 வீதம் நடைமுறைப்படுத்துவதற்கு உதவுதல், சட்டவிரோத பிரமிட் வலையமைப்பு வியாபாரத்தினை தடுப்பதற்கான முயற்சிகளை மேற்கொள்ளல் மற்றும் தொலைபேசிகளின் ஊடான நுண்முறை பண மோசடிகளுக்கு எதிரான விழிப்புணர்வுகளையும் மேற்கொள்ளல் போன்ற விடயங்கள் கலந்துரையாடப்பட்டு தீர்மானங்கள் எடுக்கப்பட்டன.

By admin

You missed

யாழ். மறைமாவட்ட மறைநதி கத்தோலிக்க ஊடக மையத்தில் வளவாளராக பணியாற்றும் ஈழத்து இயக்குனர் திரு. மதிசுதா அவர்களின் சகோதரன் திரு. சுரேந்திரராஜா சாந்தன் அவர்கள் இந்திய பிரதமர் ராஜீவ் காந்தி கொலை வழக்கில் சந்தேகத்தின்பேரில் கைதுசெய்யப்பட்டு 33 வருடங்கள் சிறைததண்டனை அனுபவித்து தொடர்ந்து அங்கிருந்து விடுவிக்கப்பட்டு சிறப்பு முகாமில் அடைக்கப்பட்டிருந்த நிலையில் அங்கு நோயுற்று 28ஆம் திகதி புதன்கிழமை இறைவனடி சேர்ந்துள்ளார். இவரது குடும்பத்தினரின் முயற்சியால் இவர் இந்தியாவிலிருந்து 28ஆம் திகதி மாலை நாடு திரும்ப இருந்த நிலையில் அன்றைய தினம் அதிகாலை மாரடைப்பால் மரணத்தை தழுவிக்கொண்டார். இவரின் குடும்பத்தினருக்கு ஆழ்ந்த அனுதாபங்களை தெரிவிப்பதுடன் இவரின் ஆன்மா இறைவனில் அமைதிபெற மன்றாடுவோம்.