யாழ்ப்பாணம் சிறைச்சாலை கைதிகளுக்கான வருடாந்த கிறிஸ்மஸ் கரோல் நிகழ்வு 02ஆம் திகதி ஞாயிற்றுக்கிழமை யாழ். சிறைச்சாலையில் சிறைச்சாலை ஆன்மீகக் குருவும் புனித பத்திரிசியார் கல்லூரி அதிபருமான அருட்திரு திருமகன் அவர்களின் தலைமையில் நடைபெற்றது.

காலை திருப்பலியோடு ஆரம்பமான இந்நிகழ்வில் கைதிகளினால் கரோல் கீதங்கங்கள் இசைக்கப்பட்டு அவர்களுக்கான அன்பளிப்பு பொதிகளும் வழங்கிவைக்கப்பட்டன. இந்நிகழ்வில் சிறைச்சாலை அதிகாரி, கைதிகளின் புனர்வாழ்வுக்கு பொறுப்பான அதிகாரி மற்றும் அருட்சகோதரிகளும் கலந்துகொண்டனர். 500 வரையான கைதிகளுக்கு வழங்கப்பட்ட பொதிகளுக்கான அத்தியவசிய பொருட்கள் அருட்திரு திருமகன் அவர்களின் கடின முயற்சியினால் பங்குத்தளங்களுடாக மக்களிடமிருந்து பெறப்பட்டமையும் இங்கு குறிப்பிடத்தக்கது.

By admin

You missed

யாழ். மறைமாவட்ட மறைநதி கத்தோலிக்க ஊடக மையத்தில் வளவாளராக பணியாற்றும் ஈழத்து இயக்குனர் திரு. மதிசுதா அவர்களின் சகோதரன் திரு. சுரேந்திரராஜா சாந்தன் அவர்கள் இந்திய பிரதமர் ராஜீவ் காந்தி கொலை வழக்கில் சந்தேகத்தின்பேரில் கைதுசெய்யப்பட்டு 33 வருடங்கள் சிறைததண்டனை அனுபவித்து தொடர்ந்து அங்கிருந்து விடுவிக்கப்பட்டு சிறப்பு முகாமில் அடைக்கப்பட்டிருந்த நிலையில் அங்கு நோயுற்று 28ஆம் திகதி புதன்கிழமை இறைவனடி சேர்ந்துள்ளார். இவரது குடும்பத்தினரின் முயற்சியால் இவர் இந்தியாவிலிருந்து 28ஆம் திகதி மாலை நாடு திரும்ப இருந்த நிலையில் அன்றைய தினம் அதிகாலை மாரடைப்பால் மரணத்தை தழுவிக்கொண்டார். இவரின் குடும்பத்தினருக்கு ஆழ்ந்த அனுதாபங்களை தெரிவிப்பதுடன் இவரின் ஆன்மா இறைவனில் அமைதிபெற மன்றாடுவோம்.