மன்னார் மாவட்ட கரித்தாஸ் வாழ்வுதய நிறுவனத்தின் ஏற்பாட்டில் மன்னார் மாவட்ட வளங்களை பாதுகாக்கும் நோக்குடன் முன்னெடுக்கப்பட்ட சூழல் பாதுகாப்பிற்கான கவனயீர்ப்புப் போராட்டம் 14ஆம் திகதி கடந்த புதன்கிழமை நடைபெற்றது.
கரித்தாஸ் நிறுவன இயக்குநர் அருட்தந்தை செபமாலை அன்ரன் அவர்களின் ஒழுங்குபடுத்தலில் மன்னார் கரித்தாஸ் வாழ்வுதய நிறுவன முன்றலில் ஆரம்பமாகிய இக்கவனயீர்ப்பு போராட்டம் பேரணியாக மன்னார் மாவட்ட செயலகத்தை சென்றடைந்து அங்கு கரித்தாஸ் நிறுவன இயக்குநர் அவர்களினால் மன்னார் மாவட்ட அரசாங்க அதிபர் திருமதி ஸ்ரான்லி டிமெல் அவர்களிடம் மன்னார் மாவட்ட வளங்களை பாதுகாப்பது தொடர்பான மகஜர் வாசித்து கையளிக்கப்பட்டது.
இப்பேரணியில் இளையோர் சூழல் பாதுகாப்பு குழுவினர் மற்றும் வாழ்வுதய நிறுவன பணியாளர்கள் கலந்து கொண்டனர்.

By admin

You missed

யாழ். மறைமாவட்ட மறைநதி கத்தோலிக்க ஊடக மையத்தில் வளவாளராக பணியாற்றும் ஈழத்து இயக்குனர் திரு. மதிசுதா அவர்களின் சகோதரன் திரு. சுரேந்திரராஜா சாந்தன் அவர்கள் இந்திய பிரதமர் ராஜீவ் காந்தி கொலை வழக்கில் சந்தேகத்தின்பேரில் கைதுசெய்யப்பட்டு 33 வருடங்கள் சிறைததண்டனை அனுபவித்து தொடர்ந்து அங்கிருந்து விடுவிக்கப்பட்டு சிறப்பு முகாமில் அடைக்கப்பட்டிருந்த நிலையில் அங்கு நோயுற்று 28ஆம் திகதி புதன்கிழமை இறைவனடி சேர்ந்துள்ளார். இவரது குடும்பத்தினரின் முயற்சியால் இவர் இந்தியாவிலிருந்து 28ஆம் திகதி மாலை நாடு திரும்ப இருந்த நிலையில் அன்றைய தினம் அதிகாலை மாரடைப்பால் மரணத்தை தழுவிக்கொண்டார். இவரின் குடும்பத்தினருக்கு ஆழ்ந்த அனுதாபங்களை தெரிவிப்பதுடன் இவரின் ஆன்மா இறைவனில் அமைதிபெற மன்றாடுவோம்.