மன்னார் மருதமடு அன்னையின் திருத்தல ஆவணிமாத திருவிழாவுக்கான முன்னாயத்த கலந்துரையாடல் மன்னார் மாவட்ட அரசஅதிபர் திருமதி ஸ்ரான்லி டிமெல் அவர்களின் தலைமையில் 28ஆம் திகதி கடந்த வெள்ளிக்கிழமை மன்னார் மாவட்ட செயலகத்தில் நடைபெற்றது.
 
இக்கலந்துரையாடலில் மன்னார் மறைமாவட்ட ஆயர் பேரருட்தந்தை இம்மானுவேல் பெர்ணாண்டோ அவர்களும், குருமுதல்வர் அருட்தந்தை கிறிஸ்துநாயகம் அவர்களும் மடுத்திருத்தலத்தின் பரிபாலகர் அருட்தந்தை பெப்பி சோசை அவர்களும், திணைக்கள தலைவர்கள், பாதுகாப்பு தரப்பினரென பலரும் கலந்துகொண்டனர்.
 
மடுத்திருத்தலத்தில் முன்னெடுக்கப்பட வேண்டிய சுகாதாரம், மருத்துவம், குடிநீர், போக்குவரத்து, உணவு, பாதுகாப்பு தொடர்பான விடயங்கள் இதில் கலந்துரையாடப்பட்டதுடன் இம்முறை ஏழு இலட்சத்திற்கும் அதிகமான மக்கள் இத்திருவிழாவில்கலந்து கொள்வார்கள் என எதிர்பார்க்கப்படுகிறது.
 
ஆவணி மாதம் 06ஆம் திகதி கொடியேற்றத்துடன் திருவிழாவுக்கான ஆயத்தநாள் வழிபாடுகள் ஆரம்பமாகி 15ஆம் திகதி காலை 6:15 மணிக்கு திருவிழா திருப்பலி இடம்பெறவுள்ளதெனவும் திருநாள் திருப்பலி திருத்தந்தையின் திருத்தூது பிரதிநிதி பேரருட்தந்தை பிறையன் உடேக்குவே அவர்களின் தலைமையில் தமிழ், சிங்களம், ஆங்கிலம், லத்தீன் ஆகிய மொழிகளில் நடைபெறவுள்ளதாகவும் மன்னார் மறைமாவட்ட ஆயர் அவர்கள் தெரிவித்துள்ளார்.

By admin

You missed

யாழ். மறைமாவட்ட மறைநதி கத்தோலிக்க ஊடக மையத்தில் வளவாளராக பணியாற்றும் ஈழத்து இயக்குனர் திரு. மதிசுதா அவர்களின் சகோதரன் திரு. சுரேந்திரராஜா சாந்தன் அவர்கள் இந்திய பிரதமர் ராஜீவ் காந்தி கொலை வழக்கில் சந்தேகத்தின்பேரில் கைதுசெய்யப்பட்டு 33 வருடங்கள் சிறைததண்டனை அனுபவித்து தொடர்ந்து அங்கிருந்து விடுவிக்கப்பட்டு சிறப்பு முகாமில் அடைக்கப்பட்டிருந்த நிலையில் அங்கு நோயுற்று 28ஆம் திகதி புதன்கிழமை இறைவனடி சேர்ந்துள்ளார். இவரது குடும்பத்தினரின் முயற்சியால் இவர் இந்தியாவிலிருந்து 28ஆம் திகதி மாலை நாடு திரும்ப இருந்த நிலையில் அன்றைய தினம் அதிகாலை மாரடைப்பால் மரணத்தை தழுவிக்கொண்டார். இவரின் குடும்பத்தினருக்கு ஆழ்ந்த அனுதாபங்களை தெரிவிப்பதுடன் இவரின் ஆன்மா இறைவனில் அமைதிபெற மன்றாடுவோம்.