தீவக மறைக்கோட்டத்தில் அமைந்துள்ள ஊர்காவற்றுறை பங்கில் இயங்கிவரும் மரியாயின் சேனை பரலோக இராக்கினி பிரடசீடியத்தினர் தமது சபை ஆரம்பித்ததன் 18ஆம் ஆண்டு நிறைவு தினத்தை 16ஆம் திகதி கடந்த ஞாயிற்றுக்கிழமை அங்கு கொண்டாடினார்கள்.

இந்நாளில் பங்குத்தந்தை அருட்திரு ஜெயறஞ்சன் அவர்களின் தலைமையில் நடைபெற்ற நன்றித்திருப்பலியில் மரியாயின் சேனையினர் இணைந்து திருப்பலியை சிறப்பத்தார்கள். திருப்பலியில் மறையுரையாற்றிய அருட்திரு ஜெயறஞ்சன் அவர்கள், அவர் சொல்வதையெல்லாம் செய்யுங்கள் எனப்பணித்த அன்னையின் வார்த்தைக்கேற்ப நம்மை வாழ அழைப்பு விடுத்ததுடன், புனித யோசேவ்வாஸ் பெருவிழாவை கொண்டாடும் நாம் நம் இளையோருரையும் நற்செய்திப்பணியில் ஈடுபடுத்தும் நல் மாந்தராய் திகழவும் வேண்டுமெனவும் எடுத்துரைத்தார். திருப்பலியை தொடர்ந்து மதியபோசன பகிர்வு, பிற்பகல் 6 மணி வரை தொடர் செபமாலை செபிக்கும் நிகழ்வுடன் கலை நிகழ்வுகளும் நடைபெற்றன.

By admin

You missed

யாழ். மறைமாவட்ட மறைநதி கத்தோலிக்க ஊடக மையத்தில் வளவாளராக பணியாற்றும் ஈழத்து இயக்குனர் திரு. மதிசுதா அவர்களின் சகோதரன் திரு. சுரேந்திரராஜா சாந்தன் அவர்கள் இந்திய பிரதமர் ராஜீவ் காந்தி கொலை வழக்கில் சந்தேகத்தின்பேரில் கைதுசெய்யப்பட்டு 33 வருடங்கள் சிறைததண்டனை அனுபவித்து தொடர்ந்து அங்கிருந்து விடுவிக்கப்பட்டு சிறப்பு முகாமில் அடைக்கப்பட்டிருந்த நிலையில் அங்கு நோயுற்று 28ஆம் திகதி புதன்கிழமை இறைவனடி சேர்ந்துள்ளார். இவரது குடும்பத்தினரின் முயற்சியால் இவர் இந்தியாவிலிருந்து 28ஆம் திகதி மாலை நாடு திரும்ப இருந்த நிலையில் அன்றைய தினம் அதிகாலை மாரடைப்பால் மரணத்தை தழுவிக்கொண்டார். இவரின் குடும்பத்தினருக்கு ஆழ்ந்த அனுதாபங்களை தெரிவிப்பதுடன் இவரின் ஆன்மா இறைவனில் அமைதிபெற மன்றாடுவோம்.