‘ஜீவப்பிரயத்தனம்”நாடக நூல் வெளியீடு

திருமறைக் கலாமன்றத்தின் பிரதி இயக்குநரும், யாழ். கல்வி வலய நாடகமும் அரங்கியலும் பாடஆசிரிய ஆலோசகரும், ஈழத்தின் கவனத்திற்குரிய அரங்க ஆளுமையுமான திரு. யோண்சன் ராஜ்குமார் அவர்களின் ‘ஜீவப்பிரயத்தனம்” என்னும் ஏழுநாடகப் பிரதிகளை உள்ளடக்கிய புதிய நாடக நூல் வெளியீடு கடந்த 01.08.2021 ஞாயிற்றுக்கிழமை யாழ். பிரதான வீதியில் அமைந்துள்ள கலைத்தூது கலையகத்தில் சிறப்பாக நடைபெற்றது. திருமறைக் கலாமன்றத்தின் ஊடக இணைப்பாளர் செல்மர் எமில் அவர்களின் தலைமையில் நடைபெற்ற இந்நிகழ்வில் பிரதம விருந்தினராக சட்டத்தரணியும் மூத்த நாடகக் கலைஞருமான தேவராஜா அவர்கள் கலந்துகொண்டார்.

Continue reading ‘ஜீவப்பிரயத்தனம்”நாடக நூல் வெளியீடு

குருநகர் பங்கில் உறுதிபூசுதல்

தற்போது நாம் வளர்ந்துவிட்டதால் அவ் வாக்குறுதியை நாமே மேற்கொள்கின்றோம். தூய ஆவியாரால் முத்திரையிடப்பட்டு நாம் கிறிஸ்துவிற்கு சாட்சியம்பகர தற்போது அழைக்கப்படுகின்றோம். எனவே எம்மீது பொழியப்படும் தூய ஆவிக்கு பிரமாணிக்கமாய் வாழ உறுதி கொள்வோம் எனக் கூறினார். சுகாதார நடைமுறைகளைப் பின்பற்றி மிக எளிமையாக நேர்த்தியாகவும் பங்குத்தந்தை யாவீஸ் அவர்களின் ஒழுங்குபடுத்தலில் உதவிப் பங்குத்தந்தையர்கள் மற்றும் மறையாசிரியர்களின் உதவியுடன் நிகழ்வுகள் சிறப்பாக நடைபெற்றன.

இலங்கை, யாழ். குருநகர் புனித யாகப்பர் ஆலயத்தில் உறுதிப்பூசுதல் அருட்சாதனம் வழங்கும் நிகழ்வு 06.08.2021 வெள்ளிக்கிழமை யாழ் மறைமாவட்ட ஆயர் பேரருட்திரு ஜஸ்ரின் பேணாட் ஞானப்பிரகாசம் ஆண்டகை தலைமையில் நடைபெற்றது. கடந்த வருட இறுதியிலிருந்து உறுதிப்பூசுதலுக்கான ஆயத்தங்களை மேற்கொண்டிருந்த 107 பிள்ளைகள் இவ்அருட்சாதனத்தை பெற்றுக்கொண்டார்கள். அருட்சாதனத் திருப்பலியில் மறையுரையாற்றிய ஆயர், நாம் குழந்தைகளாக இருந்தவேளை எமக்காக இறைவன் முன்னிலையில் எமது விசுவாச வாழ்விற்கான வாக்குறுதியை எமது ஞானப்பெற்றோர் வழங்கினர்.

Continue reading குருநகர் பங்கில் உறுதிபூசுதல்

மன்னார் மறைமாவடடத்தில் நற்கருணைநாதர் துறவற சபை

இலங்கை, மன்னார் மறைமாவட்டத்தின் மடுவீதியில் அமைந்துள்ள புனித சிந்தாத்திரை மாதா பங்குத் திருஅவை 5.08.2021 அன்று நற்கருணைநாதர் துறவற சபை குருக்களால் பொறுப்பேற்கப்பட்டது. மன்னார் மறைமாவட்ட ஆயர் பேரருட்திரு இமானுவேல் பெர்னாண்டோ ஆண்டகை மற்றும் மறைமாவட்ட குருமுதல்வர் அருட்திரு கிறிஸ்து நாயகம் ஆகியோரின் முன்னிலையில், இலங்கை நற்கருணை நாதர் சபையின் மாகாண முதல்வர் அருட்திரு டிலான் பெர்ணாண்டோ மற்றும் பிரதி மாகாண முதல்வர் அருதிரு ஜஸ்டின் சௌகான் ஆகியோர் இப்பங்கை பொறுப்பேற்றனர்.

Continue reading மன்னார் மறைமாவடடத்தில் நற்கருணைநாதர் துறவற சபை

நவாலி புனித பேதுரு பவுல் ஆலய வளாகத்தில் புதிதாக பங்குப் பணிமனை

இலங்கை, யாழ்ப்பாணம், நவாலி புனித பேதுரு பவுல் ஆலய வளாகத்தில் புதிதாக அமைக்கப்பட்ட பங்குப் பணிமனை கடந்த 5ஆம் திகதி யாழ். மறைமாவட்ட ஆயர் பேரருட்திரு ஜஸ்ரின் ஞானப்பிரகாசம் அவர்களால் ஆசீர்வதித்து திறந்து வைக்கப்பட்டது. இந்நிகழ்வு மாலை 5.00 மணிக்கு பங்குத்தந்தை அருட்திரு அலின் கருணாகரன் தலைமையில் இடம்பெற்றது. இக்கட்டம் உள்நாட்டு வெளிநாட்டு பங்கு மக்களின் நிதி உதவியில் பங்குத்தந்தை அவர்களின் நெறிப்புடுத்தலில் அமைக்கப்பட்டுள்ளது.

Continue reading நவாலி புனித பேதுரு பவுல் ஆலய வளாகத்தில் புதிதாக பங்குப் பணிமனை

தியோகுநகர் காணி உரிமம் வழங்கும் நிகழ்வு

முல்லைத்தீவு மாவட்டம், சிலாவத்தைப் பகுதியில் உள்ள சுவாமி தோட்டக்காணியில் குடியிருக்கும் மக்களுக்கு காணி வழங்கும் நிகழ்வு 29.07.2021 வியாழக்கிழமை அன்று நடைபெற்றது. இப்பகுதியில் ஏறத்தாழ 95 குடும்பங்கள், முதியோர் சங்கம், முன்பள்ளி, சைவ ஆலயம், பொது நோக்கு மண்டபம் என்பன அடங்கிய தியோகு நகர் எனும் கிராமம் அமைந்துள்ளது.

Continue reading தியோகுநகர் காணி உரிமம் வழங்கும் நிகழ்வு

திருச்சிலுவை சுகநல நிலைய சத்திர சிகிக்சை கூடத்தில் நவீன சத்திர சிகிக்சை இயந்திரம்

யாழ். கடற்கரை வீதியில் அமைந்துள்ள திருச்சிலுவை சுகநல நிலைய சத்திர சிகிக்சை கூடத்தில் நவீன முறையில் வயிற்றில் உட்காண் சத்திர சிகிக்சை (LAPROSCOPIC SURGERY) மேற்கொள்ளுவதற்கான இயந்திரம் பொருத்தப்பட்டு சத்திர சிகிச்சை நிபுணர் வைத்தியர் கோபிசங்கர் அவர்களினால் 28.07.2021 புதன்கிழமை அன்று சத்திர சிகிக்சை ஒன்று வெற்றிகரமாக மேற்கொள்ளப்பட்டுள்ளது.

Continue reading திருச்சிலுவை சுகநல நிலைய சத்திர சிகிக்சை கூடத்தில் நவீன சத்திர சிகிக்சை இயந்திரம்

ஆயர் இல்லத்தில் சந்திப்புகள்

யாழ் இந்தியத் துணைத்தூதுவர் திரு. பாலச்சந்திரன் அவர்கள் இலங்கையிலிருந்து மாற்றலாகி செல்வதை முன்னிட்டு யாழ். மறைமாவட்ட ஆயர் பேரருட்திரு யஸ்ரின் பேணாட் ஞானப்பிரகாசம் அவர்களுடனான சந்திப்பொன்றை மேற்கொண்டிருந்தார். இச்சந்திப்பு யாழ். மறைமாவட்ட ஆயர் இல்லத்தில் கடந்த 26ஆம் திகதி திங்கட்கிழமை அன்று நடைபெற்றது.

Continue reading ஆயர் இல்லத்தில் சந்திப்புகள்

மன்னார் மடு அன்னையின் திருத்தலத்தில் மீண்டும் திருக்குடும்ப கன்னியர் சபையினர்

மன்னார் மடு அன்னையின் திருத்தலத்தில் மீண்டும் திருக்குடும்ப கன்னியர் சபையினர் தங்களின் பணிகளை ஆரம்பித்துள்ளனர். இவர்களின் பணிக்காக புதிதாக அமைக்கப்பட்ட திருக்குடும்ப இல்லம் கடந்த ஜூலை மாதம் 22 ஆம் திகதி மன்னார் மறைமாவடட ஆயர் இம்மனுவேல் பெர்ணான்டோ அவர்களினால் ஆசீர்வதித்து திறந்துவைக்கப்பட்டது. இந்நிகழ்வில் திருக்குடும்ப சபையின் மாகாண தலைவி அருட்சகோதரி தியோபின் குருஸ் திருக்குடும்ப துணைகுருவும் மடு திருத்தலத்தின் பரிபாலகருமான அருட்திரு பெப்பி சோசை அவர்களும் அவர்களுடன் துறவிகள் குருக்கள் பொதுநிலையினர் என பலரும் இணைந்து இந்நிகழ்வினை சிறப்பித்தார்கள்.

Continue reading மன்னார் மடு அன்னையின் திருத்தலத்தில் மீண்டும் திருக்குடும்ப கன்னியர் சபையினர்

நவாலி சென் பீற்றேஸ் இளையோர் மன்றத்தினரால் இரத்ததான முகாம்

நவாலி சென் பீற்றேஸ் இளையோர் மன்றத்தினரின் ஏற்பாட்டில் சென் பீற்றேஸ் ஆலய முன்றலில் 25.07.2021 ஞாயிற்று கிழமை அன்று இரத்ததான முகாம் நடைபெற்றது. 1995 ஆம் ஆண்டு நவாலி புனித பேதுறுவானவர் ஆலயத்தில் நடைந்தேறிய விமானக்குண்டு வீச்சில் பலியான உறவுகளின் நினைவாக குறித்த நிகழ்வை தேசிய இளைஞர் சேவைகள் மன்றத்தின் யாழ். மாவட்ட உதவிப்பணிப்பாளர் திருமதி. வினோதினி, வலி தென் மேற்கு, சண்டிலிப்பாய் பிரதேச இளைஞர் சேவை உத்தியோகத்தர் திரு. றஜீவன், சண்டிலிப்பாய் இளைஞர் பாராளுமன்ற உறுப்பினர் திரு. ரினோராச், பிரதேச இளைஞர் கழக சம்மேளனத்தின் உறுப்பினர்கள், மற்றும் நாவாலி சென் பீற்றஸ் இளைஞர் கழக உறுப்பினர்கள் ஆகியோர் இணைந்து ஆரம்பித்து வைத்தனர்.

Continue reading நவாலி சென் பீற்றேஸ் இளையோர் மன்றத்தினரால் இரத்ததான முகாம்